El soriano Rabi Yosef Ben Abraham Ibn Chiquitilla, tambyén nomado Giketila o Chikatella, nasió en la anyada 1248 en la viesha sivdad de Medinacelli i murió en serka de 1325, fue uno de los más grandes maestros de la kabalá, kon ancha influensa sovre unotros kabalistas de sus tiempo, ke tanto lo tomaron de inspirasión ansí komo lo kopiaron o se asemejaron muncho. No es muncho konosido ma konta kon una ovra de ancha importansia istórika i doktrinal.
Chiquitilla es uno de esos kabalistas medievales del kualo no se topan munchos detalyos de su vida. Bivió un tiempo en Segovia i uno de sus dishiplos direktos fue Rab Moisés. Su ovra se kompoza de dos épokas, la prima en siendo él uno de los más importantes dishiplos de Abraham Abulafiah, apartiene a la kábala filozófica i se kompoza de un komentario de la “Guía de Descarriados” de Maimónides, un tratado sovre las vokales, un estudio sistemátiko de titoló “Guinnat Egoz”, “El jardín del Nogal” i el sigundo tiempo se adjusta a la kabalá teosófica, las sefirot o esferas, i trokándose en uno de los más dignos representantes de estos kaminos de kabalá.
Autor de “Shaaré Tzedek”, “Las Puertas de la Justicia” i “Shaaré Or”, “Las Puertas de la luz”, indemás de ovras de diversos temas, ansimezmo endjuntos kon ovras de kabalá eskrivió poesía i proverbios de moral, una monografía de los mandamientos indemás de varios tratados. Kale destakar su atirante tratado místico sovre las ataduras de marido i mujer de titoló “La Epístola de la Santidad”; estos manuskritos a bezes se podían konfundir i azer una mezklatina kon los lavoros de Moshé de León, malgrado esto es pozible konoser kuales son de la autoría de Chiquitilla. Estos eskritos pueden trokar de un manadero, por enshemplo komo un manuskrito o mezmo imprimido, a unotro manadero, malgrado esto, es kolay rekonoser ke son del mezmo autor.
En lo ke toka a la mezma temática, es dizir ke aze análiza munchas bezes de El sekreto de la orasión “Shemá Israel”( Oye Israel) ke komo es savido se trata de la orasión más importante dientro el djudaísmo, o también El Sekreto de los flekos rituales, (en ivrit los tzit tzit), El sekreto de las filakterias,( los tefilim), El Sekreto de los Keruvines, (los andjeles), i El Sekreto del Shabat, entre unotras ovras sovre Los Sekretos, tambyén kale destakar El Komentario de la Agadá de Pesaj, i la atirante ovra ke da titoló a este tratado i de la kuala ya vos iremos ambezando de este teksto tan profundo de Yosef Ben Abaraham Ibn Chiquitilla “El secreto de la unión de David y Betsabé”… Ya savesh, esta ermoza istoria de amor ke apartiene a la Torá o Viesho Testamento i de la kuala mos podemos ambezar para muestro propio tikun o arreglo espiritual.
Chiquitilla es uno de esos kabalistas medievales del kualo no se topan munchos detalyos de su vida. Bivió un tiempo en Segovia i uno de sus dishiplos direktos fue Rab Moisés. Su ovra se kompoza de dos épokas, la prima en siendo él uno de los más importantes dishiplos de Abraham Abulafiah, apartiene a la kábala filozófica i se kompoza de un komentario de la “Guía de Descarriados” de Maimónides, un tratado sovre las vokales, un estudio sistemátiko de titoló “Guinnat Egoz”, “El jardín del Nogal” i el sigundo tiempo se adjusta a la kabalá teosófica, las sefirot o esferas, i trokándose en uno de los más dignos representantes de estos kaminos de kabalá.
Autor de “Shaaré Tzedek”, “Las Puertas de la Justicia” i “Shaaré Or”, “Las Puertas de la luz”, indemás de ovras de diversos temas, ansimezmo endjuntos kon ovras de kabalá eskrivió poesía i proverbios de moral, una monografía de los mandamientos indemás de varios tratados. Kale destakar su atirante tratado místico sovre las ataduras de marido i mujer de titoló “La Epístola de la Santidad”; estos manuskritos a bezes se podían konfundir i azer una mezklatina kon los lavoros de Moshé de León, malgrado esto es pozible konoser kuales son de la autoría de Chiquitilla. Estos eskritos pueden trokar de un manadero, por enshemplo komo un manuskrito o mezmo imprimido, a unotro manadero, malgrado esto, es kolay rekonoser ke son del mezmo autor.
En lo ke toka a la mezma temática, es dizir ke aze análiza munchas bezes de El sekreto de la orasión “Shemá Israel”( Oye Israel) ke komo es savido se trata de la orasión más importante dientro el djudaísmo, o también El Sekreto de los flekos rituales, (en ivrit los tzit tzit), El sekreto de las filakterias,( los tefilim), El Sekreto de los Keruvines, (los andjeles), i El Sekreto del Shabat, entre unotras ovras sovre Los Sekretos, tambyén kale destakar El Komentario de la Agadá de Pesaj, i la atirante ovra ke da titoló a este tratado i de la kuala ya vos iremos ambezando de este teksto tan profundo de Yosef Ben Abaraham Ibn Chiquitilla “El secreto de la unión de David y Betsabé”… Ya savesh, esta ermoza istoria de amor ke apartiene a la Torá o Viesho Testamento i de la kuala mos podemos ambezar para muestro propio tikun o arreglo espiritual.
